.
دام الأمـل بقلـوب الأيـام بـاقـي
......... وش فيك تزرع في معاليقـي اليـاس
جازيتنـي بالصـد عقـب اشتياقـي
.......... وتركتني في موقف البيـن محتـاس
ياما علـى شانـك رقيـت المراقـي
..........أذرف دموع الشوق مع كـل نسنـاس
أضمى ويسقينـي مـن الهـم ساقـي
........ ويطعمني الحسرات وافتات الاتعـاس
إنْ كنت بي هاقي فانـا فيـك هاقـي
........ ارويك من كاس الوفا واروني كـاس
واتـرك تواقيـع الجفـا والفـراقـي
.......... اللـي ينمّـق كــــل غـاوي وهـلاّس
وإن كـان مايطربـك طيـر التلاقـي
......... اللي سجـع لقـــــلوبنـا هجعـة النـاس
واجدب حنينك بيـن عـوج التراقـي
........ وماتت رياحين المـوده والاحسـاس
وشعرت انّك بالهـوى حيـل شاقـي
......... شقوة كليب اللـي توهّـق بجسّـاس
فارحل وربّ البيـت حافـظ وواقـي
...... ارحل ولو دقّ الخطر فوقي اجـراس
مافيـه داعـي تشيـل مـالا يطاقـي
...... لاجلي وتقضي طيف عمرك بلا اوناس
ارحل وانا بلقى مثل مـا انـت لاقـي
........واقضي كماك العمر ناجـع وعسّـاس
صحيـح هجرانـك يــزيـد احتراقـي
........ويكتم بصدر الشوق عذبات الانفـاس
لكنّ أمرّ مـن طعـم فقـدك مذاقـي
........وصلٍ بلا رغبه . وحبٍّ بـلا سـاس
.
.
للشاعر : خالد الوقيت
((للمعلوميه تراه يقربلي))
الرئيسية 
أحدث الصور 
الإثنين سبتمبر 15, 2008 3:32 pm