ياحــــروفي عـــلّليني ...

.
ياحروفـي علّلينـي دامنـي حيـل متضـايـق
..........واوقدي شمع المــــــــشاعر واكتبي همّـي قصيـده

في فؤادي ياحروفي مثـل مضـروم الحرايـق
.......... كل ما قمـت استخــــــفّـه قامـت الدنيـــــــا تزيـده

شابت جفون الليالـي ماوفـت لـي بالحقايـق
.......... عن امورٍ حيّــــــــــرتْ فكـري .. وأسئلْـةٍ عديـده

عن تبسّم ثغري المدفون فـي حـزن الخلايـق
.......... عن تهــاني عيد عمري عن فرح عمري وعيــــده

عن زهور احلامي اللي موّتتْ وسـط الحدايـق
......... عن فــؤاد اوناسي اللي كـان يســـــــــقينـي وريـده

عن ركايب حظي القاطن علـى عِـدّ الوفايـق
.......... وش بلاهــــــــــــم ثوّروهـا وانتـووا منـزاح بِيـده

اذكر اني قمت اطاردها مدى جهـدي واوايـق
......... كل ماوافيــــــــت رجمٍ واصـرخ بصوتـي واعيـده

ليما حدّتنـي العوايـق .. قاتـل الله العوايـق
......... واشتـــكت رجلي حفا الرمضـا وبــــــيّدنـي وقيـده

وين راحت .. وين نوّت .. ويش سالفْة البوايق
.....اللي طاحت في سموعي منها جمــــــــــــلـه لا مفيـده

مـدري والله والحكايـه ماخـذت الاّ دقـايـق
.......... كنّهـــــــا حلـمٍ جميـل ٍ ختـــــمتـه صـارت نكيـده

عقبها ادمنت اعدّي في حجا الميهـاف ضايـق
.......... اتعـــجّب واتحسّـب مـن شقـــــــا الدنيـا العنيـده

تطلع الشمس وتغيب وخاطري ماهـوب رايـق
...... تطلع الشمس وتغيب وولحـــــــظتي ماهـي سعيـده

خبت ياحظي علامك خنـت مرسـوم الوثايـق
.......... اشهد انك كدتني وابدعت فـي حبـــــــك المكيـده

كنت اظنّك للمواصـل لآخـر المشـوار تايـق
......... واثرك مـــــزون الخـــريف اللي سبا قلبـي رعيـده

بان غيبك قِدِم عيني وانجلت عـوج الطرايـق
......... ومن فضـــــــحه الرب صعبه يستر العـورات بيـده

إغتبط لا ساق دمعي من على الخديـن سايـق
......... وانبــسط لا طق سمعي جرتـي صـوت النهيـــــده

انتهيت وْلا بقى لي في سـراب العمـر شايـق
........ غيـر ذكــــــــــــراي القديمـه .. والأمانـيّ البعيـده

للشاعر: خالد الوقيت

يسلمو
والله يعطيكِ الف الف الف عافيه
وتقبلي مروري

َ

يسلمووو ع المرووور